六両三.台灣食堂

午飯時間嘅六両三人頭湧湧，不過唔洗等太耐就可以入座啦。我對六両三嘅印象就係全部嘢食第一啖都係普通，之後先會越食越好味😂
特別係蔥油拌麵一開頭食覺得只有油味，後尾同埋蔥一齊食先發現原來個蔥先係重點！

阿宏蔥油拌麵

滷肉拌麵味道偏淡但滷肉都幾大粒口感豐富

滷肉拌麵

炸雞腿真係炸到有台式風味，外皮夠脆又有落椒鹽好香，但雞肉就比較乾柴

炸雞腿

而牛筋絲份量偏細，比起過軟嘅牛筋絲反而覺得個拌菜更爽口惹味，適合配麵一齊食。

涼伴牛筋絲

至於嘢飲啲冰好快就融哂唔太夠凍，夏天嚟飲有點唔夠爽！

冬瓜茶

另外值得一讚係每枱都有提供消毒搓手液，仲有橡筋方便女仕們大快朵頤，非常之體貼同加分！