影片
更多
2021-11-10
68 浏览
自從屋企買咗個韓式燒烤爐之後就好鍾意去尖沙咀韓國街買凍肉燒烤，然後去埋隔離買下醃蘿蔔小食紫菜卷粉絲加餸食🤣成條韓國街勁多餐廳真係唔知揀咩好，上網見依間幾多好評於是去咗試先～但飯市真係好誇張出面成條龍滿晒，不過入面唔算空間好大好多張枱，但佈置方面係落足心思偏少女風，粉紅色霓虹燈字仲有大大隻飛天豬仔公仔，遠距離見到都幾搶眼🐷👼🏻呢度冇特別有set menu，無論午市晚市都係嗰個餐牌。當然會附上韓國小食醃蘿蔔~👓蔘雞湯 $148其實我真係冇乜飲蔘雞湯嘅經驗，不過今次飲都幾有驚喜，微微人蔘嘅甘香味好易入口又唔會濃得好苦，當中有紅棗片，個雞湯都幾濃郁偏重味，飲落暖笠笠好有滋補嘅感覺，同埋隻雞真係好大隻🐔似成隻全雞仔，有兩隻雞髀仔，好多肉而且係嫩滑！撩開隻雞中間會見到有啲粥米、紅棗銀杏，嗰種綿綿嘅感覺似雞湯粥都幾正。間中食下都唔錯~評分：8/10👓炒豬肉芝士石鍋拌飯 $128其實就咁豬肉石鍋飯$108，如果加芝士要比多廿蚊都幾貴，特登幫大家試吓，的確會有拉芝效果不過芝士份量唔算多，加咗芝士冇話效果特別好食左分別唔太大所以覺得唔使特登加都可以，不過整體來講其實個拌飯係好食。配料豐富嘅同樣有菠菜菇菌蔬
當然會附上韓國小食醃蘿蔔~
👓蔘雞湯 $148
其實我真係冇乜飲蔘雞湯嘅經驗，不過今次飲都幾有驚喜，微微人蔘嘅甘香味好易入口又唔會濃得好苦，當中有紅棗片，個雞湯都幾濃郁偏重味，飲落暖笠笠好有滋補嘅感覺，同埋隻雞真係好大隻🐔似成隻全雞仔，有兩隻雞髀仔，好多肉而且係嫩滑！撩開隻雞中間會見到有啲粥米、紅棗銀杏，嗰種綿綿嘅感覺似雞湯粥都幾正。間中食下都唔錯~
評分：8/10
👓炒豬肉芝士石鍋拌飯 $128其實就咁豬肉石鍋飯$108，如果加芝士要比多廿蚊都幾貴，特登幫大家試吓，的確會有拉芝效果不過芝士份量唔算多，加咗芝士冇話效果特別好食左分別唔太大所以覺得唔使特登加都可以，不過整體來講其實個拌飯係好食。配料豐富嘅同樣有菠菜菇菌蔬菜絲，石鍋拌飯價錢係比拌飯貴啲因為佢同時多咗飯焦，底部少少飯焦脆脆地又唔會太多好痴牙，味道方面可以自己加醬油同辣汁，不過我落咗少少已經好夠味因為本身佢應該有調味，味道已經夠濃味。
評分：7.5/10
👓餃子王 $16/隻有個蒸籠仔裝住熱辣辣，一大隻餃子分量等同於兩隻細餃子，皮薄，韭菜餡料，餡料滿滿的。
評分：7/10
👓泡菜餃子王 $16/隻同樣係滿滿嘅泡菜韭菜餡料，不過都幾辣，係有陣辛辣味，所以唔食得辣嘅朋友要小心
評分：7/10
张贴
