影片
更多
2018-02-10
159 浏览
被以前大學玩Hall camp既組仔女叫返去屈蛇打牌，未夠鐘我就先同其中幾個組仔女去左新墟雅都花園度既萬芳冰室食Tea。電梯一出黎覺得好似入左TVB個廠咁，係香港舊時個種老冰室Feel。入面有張好古舊既古董理髮椅，好似一坐落去會爛咁（咁當然唔俾坐啦！）入面有幅畫，有冇種人約黃昏後既Feeling？萬芳提供既野食都係尋常茶餐廳常見既碟頭飯之類，價錢適中。我地幾條友唔係話好餓，嗌咗個沙丹豬扒飯（$50）黎Share，有一塊厚豬扒、菠蘿、太陽蛋同厚切火腿。真心不得了呢個份量，塊豬扒比面都要大，瘦肉比較多，冇乜肥膏，但驚奇地塊肉完全唔鞋，非常嫩口，再加埋兩塊厚切火腿，食肉獸天堂。太陽蛋煎得啱啱好，蛋黃欲漏不漏咁，塊菠蘿雖然係罐頭菠蘿，但酸酸甜甜同豬扒都幾夾，撈埋豉油汁味道從鹹到甜再到酸，混合埋雞蛋既香醇蜜味，正。登登，當然唔可以少左萬芳既招牌生炸大雞脾（配埋薯條承惠$38）。因為雞脾係即叫即生炸，所以都等左15分鐘度。嘩，雞脾一上檯我真係嚇親，邊度搵黎手板咁長既「巨」脾！？食落去認真辛苦，因為實在太大，切都唔方便。味道係OK既，皮夠酥脆，不過可能因為雞脾實在太大，醃得唔夠，所以吃到中間D肉都有
電梯一出黎覺得好似入左TVB個廠咁，係香港舊時個種老冰室Feel。
入面有張好古舊既古董理髮椅，好似一坐落去會爛咁（咁當然唔俾坐啦！）
入面有幅畫，有冇種人約黃昏後既Feeling？
萬芳提供既野食都係尋常茶餐廳常見既碟頭飯之類，價錢適中。
我地幾條友唔係話好餓，嗌咗個沙丹豬扒飯（$50）黎Share，有一塊厚豬扒、菠蘿、太陽蛋同厚切火腿。真心不得了呢個份量，塊豬扒比面都要大，瘦肉比較多，冇乜肥膏，但驚奇地塊肉完全唔鞋，非常嫩口，再加埋兩塊厚切火腿，食肉獸天堂。
太陽蛋煎得啱啱好，蛋黃欲漏不漏咁，塊菠蘿雖然係罐頭菠蘿，但酸酸甜甜同豬扒都幾夾，撈埋豉油汁味道從鹹到甜再到酸，混合埋雞蛋既香醇蜜味，正。
登登，當然唔可以少左萬芳既招牌生炸大雞脾（配埋薯條承惠$38）。因為雞脾係即叫即生炸，所以都等左15分鐘度。嘩，雞脾一上檯我真係嚇親，邊度搵黎手板咁長既「巨」脾！？食落去認真辛苦，因為實在太大，切都唔方便。味道係OK既，皮夠酥脆，不過可能因為雞脾實在太大，醃得唔夠，所以吃到中間D肉都有D淡。薯條就唔夠酥鬆，油壓味比較重。
跟餐杯熱奶茶味道都幾香醇，茶味較重，略澀但唔苦。
我地一行3條友，食呢兩份野做Tea完全夠飽，份量好紮實而且超多肉。特別係隻雞脾，如果叫我一個人黎食一定就食唔曬。So Far味道可以，算係抵食。
张贴
