西貢咖啡餅店

营业中

休息中

今日黎西貢搭船睇風景，經過見到呢間麵包舖外面有一條長長嘅人龍。我地好奇去8掛下，咁啱見到店員拎住啱啱新鮮出爐嘅菠蘿包，個樣超級吸引。而且睇到海報，知道佢哋嘅菠蘿油攞過獎，所以我地一於又跟下風排隊先！呢個應該係我人生入邊食過最貴但又最好食既菠蘿油($16)。麵包熱辣辣夠新鮮，口感軟綿，面層香脆可口，半溶既牛油慢慢同麵包融為一體，令我一試難忘。不過我建議兩個人分享一個菠蘿油，因為加左牛油膩感會較重，一個人未必食得曬架！同樣新鮮出爐嘅仲有葡撻，本來有一整盤既葡撻，排到我地岩岩好剩返最後一個，好受歡迎。葡撻蛋香四溢，口感滑溜，最邪惡既係葡撻外圍香脆既蘇皮，咬落去完全feel到層層蘇皮，不得了！