天晴日本料理 (已結業)

近日知道林燕妮喜歡納蘭性德的詞，勾起其詞“人生若只如初見”，年青時相識都係青春貌美，多麽美好，老咗再遇見，已白髮光頭大肚腩；男女相識時以最好一面示人，時間久了，缺點就浮現。某日再經過此店，發現有個鐵板燒房間，都幾吸引，翌日，本想與初見去鴨店，$138一個午市套餐，佢厭貴，改來此處，竟然安排於鐵板燒房内，雖然坐滿人，不嘈雜，都是雙雙對對，外面天氣炎熱，室內涼浸浸，視覺清雅，有2幅簡單水墨畫，一路看著廚師表現，用牛油，煎薄牛肉，煎帶子，炒飯……加些白酒，味淋，豉油，加香蒜，但我祗付$88+，盐燒三文魚扒套餐，淹漬蓮藕，麵豉湯，二片中厚三文魚（面咸咸地，有油水，不乾，有燒烤痕跡，不是煎，香口），燉蛋，橙，都好豐富，質素不錯。初見要鐵板燒比目魚套餐$108，以為得一片，竟然有2片，彈性，因鐵板沾牛油帶子牛肉，令魚肉特別香 但如鐵板師傅年青些，靚仔些，間直賞心樂事，抵的程度會翻兩翻，蝕咗股票都賺翻。