影片
更多
2019-04-04
242 浏览
喺Openrice見到好多人都盛讚壹壹漁一嘅lunch buffet 性價比好高，都想寫返篇食評介紹下喺度食晚飯其實都好正 過去2個月已經先後幫襯咗3次首先想推介一下比鍾意品酒嘅朋友，以一間晚餐主打火鍋嘅餐廳黎講，剩係計啤酒紅酒白酒已經夾埋有十幾款可以揀，實有一款岩你。而本人比較對日本酒有情意結，呢度都有清酒、梅酒、燒酌可以揀，第一次黎試咗《菊咲 - 純米大吟釀》，飲落去有陣陣梨嘅芳香撲鼻，口感細緻嫩滑，男女都岩飲呢度有裝清酒嘅專用器皿，仲有好多酒杯可以揀，可以睇得出呢度對侍酒水都好認真。講返嘢食，雖然夜晚主打火鍋，但係呢度啲串燒一啲都唔馬虎，和牛肉質燒得岩岩好，外層燒到少少脆口，內裡鬆軟，要趁熱食呢度嘅免治雞肉棒都好特別，咬落去軟綿綿嘅口感好似食緊棉花糖，有種幸福嘅感覺，而除咗免治雞肉之外，仲混入咗雞軟骨碎，令到佢嘅口感更加豐富食完串燒，整返個冷盤，冰鎮鮑魚。呢道菜特別之處係用咗藥膳同酒去浸，本身以為藥膳通常都係用黎煲下雞同米線，點知同鮑魚嗰陣鮮味又幾夾。最欣賞係呢度嘅服務，幫你切好一片片方便你夾黎食跟住重點推介，清酒火煮鮮貝！如果大家出面食過清酒煮蜆，通常其實都唔會點食到清酒味，而
首先想推介一下比鍾意品酒嘅朋友，以一間晚餐主打火鍋嘅餐廳黎講，剩係計啤酒紅酒白酒已經夾埋有十幾款可以揀，實有一款岩你。而本人比較對日本酒有情意結，呢度都有清酒、梅酒、燒酌可以揀，第一次黎試咗《菊咲 - 純米大吟釀》，飲落去有陣陣梨嘅芳香撲鼻，口感細緻嫩滑，男女都岩飲
呢度有裝清酒嘅專用器皿，仲有好多酒杯可以揀，可以睇得出呢度對侍酒水都好認真。
菊咲 - 純米大吟釀
46 浏览
2 赞好
0 留言
講返嘢食，雖然夜晚主打火鍋，但係呢度啲串燒一啲都唔馬虎，和牛肉質燒得岩岩好，外層燒到少少脆口，內裡鬆軟，要趁熱食
串燒和牛
$88
18 浏览
1 赞好
0 留言
呢度嘅免治雞肉棒都好特別，咬落去軟綿綿嘅口感好似食緊棉花糖，有種幸福嘅感覺，而除咗免治雞肉之外，仲混入咗雞軟骨碎，令到佢嘅口感更加豐富
串燒免治雞肉軟骨棒
$48
15 浏览
1 赞好
0 留言
食完串燒，整返個冷盤，冰鎮鮑魚。呢道菜特別之處係用咗藥膳同酒去浸，本身以為藥膳通常都係用黎煲下雞同米線，點知同鮑魚嗰陣鮮味又幾夾。最欣賞係呢度嘅服務，幫你切好一片片方便你夾黎食
藥膳酒槽冰鎮鮑魚
$88
17 浏览
1 赞好
0 留言
跟住重點推介，清酒火煮鮮貝！
如果大家出面食過清酒煮蜆，通常其實都唔會點食到清酒味，而呢度如圖所見，佢地係會成支清酒倒哂落去，完全冇溝水 ，再加一堆蔥同蒜爆香佢。黎第3次嘅時候食，咁岩呢晚冇哂平時嘅蜆，一問之下發現今晚嘅蟶子幾新鮮，提議我地試下清酒煮蟶子。一試，嘩好鮮甜
清酒火煮鮮貝 （是日貝類為蟶子）
$148
12 浏览
1 赞好
0 留言
仲要以猛火去燒佢，令到啲蟶子快熟得黎保持到爽脆嘅口感，咬落去蟶子自身嘅肉汁搭上佢地特登用嘅甜身清酒，完全係人間享受。真係錯有錯著 （如果有興趣試嘅朋友建議訂座嘅時候問埋可唔可以預留蟶子）
清酒火煮鮮貝
$148
6 浏览
0 赞好
0 留言
好鍾意呢度中日泰式嘅菜都有，食完蟶子呢啲咁港式嘅海鮮，整返條燒喜之次。魚肉好鮮好軟好滑 （提返，因為佢哋真係即叫即燒，所以由落單到上菜要等大概半個鐘，所以有心食最好都係一黎到就嗌），重點係條喜之次好大條 （另外，後尾職員話呢度都可以蒸喜之次，下次黎我應該會試下）
燒喜之次
11 浏览
1 赞好
0 留言
食咗咁多好嘢，中場要食返個沙律清一清腸胃。點知簡簡單單一個沙律用料都好豪華，有大量嘅蟹籽同羽衣甘藍，再配上一條條（大條）嘅蟹柳絲，健康得黎依然係啖啖「肉」，贊
櫻花蝦蟹籽沙津
11 浏览
1 赞好
0 留言
跟住繼續嗌小食，呢度啲職員推介炸雲吞，不過咁岩見到佢地有炸水餃，心諗：水餃都有得炸？於是膽粗粗試下。咬落去皮好脆，而水餃入面有啲肉同木耳。木耳好彈牙，幾特別 不過相信炸雲吞應該會更加好食，下次會試下
炸水餃
23 浏览
0 赞好
0 留言
食到最後，加返個烏冬埋尾。呢度用嘅係稻庭烏冬，滑溜溜好好食不過本人有啲貪心，因為知道呢度火鍋有冬蔭公湯底，又見其他Openrice食評讚呢度嘅泰式午市自助餐嘅冬蔭公湯好飲，所以特登問有冇得整個冬蔭功湯稻庭烏冬，啲職員話ok湯底果然好香，而且唔會太酸，不過鍾意食辣嘅朋友如果有心試，可以嗌之前叫佢加辣
稻庭烏冬 （另加冬蔭功湯底）
$98
10 浏览
1 赞好
0 留言
呢晚食得好滿足，啲嘢食新鮮，價錢公道，環境好衛生，枱同枱之間隔得夠開，會坐得好舒服，不得不提係員工非常好，啲菜點整法可以同佢傾，最鍾意佢哋肯整menu入面冇嘅嘢。希望可以多啲人幫襯佢哋
------------------------------
上面講咗咁多，其實都冇提過呢度嘅火鍋，以下補返一張圖係之前另外一晚黎食火鍋嗌嘅清酒糯米燉鮮雞煲。呢度係成隻雞擺落去，兩個人食其實食唔哂隻雞好滑有雞味（唔係雪味）加埋因為本人真係好鍾意清酒，呢個煲絕對夠酒味，酒鬼唔可以錯過呢個鍋
清酒糯米燉鮮雞煲
15 浏览
1 赞好
0 留言
同埋呢度happy hour有個優惠係7點前$98一位兩個鐘酒水任飲（紅白啤清酒）仲送刺身（當然，唔係好高級嘅刺身，但都叫做有三文魚帶子海膽），真心抵，希望佢地真係有錢賺所以大家多多支持
张贴
