馬得里 (荃新天地2)

营业中

休息中

今日突然想食牛扒，喺荃新天地見到呢間餐廳，門外都多人排隊，即管試試。落單時，我話要5成熟，職員話冇得指定，一般都有7成熟，咁冇辦法啦！都入咗嚟坐低，冇理由呢刻走咁怪，唯有接受。到個扒上枱，越食越唔對路。竟然嚟咗5成，但唔係我食開嘅5成，係一半生，一半熟。睇相你就知，有啲位置熟到嚡口實的的，有啲位就生到根本冇煮過咁，好恐怖。呢度環境ok嘅！但就成日要執枱趕人走咁款，見隔離枱果pair公公婆婆係咁俾侍應執走枱面啲嘢就知。我食剩咗好多，應該冇下次喇！大x樂都應該整得好過佢，起碼全熟先丫！失望的一餐。