馬得里 (荃新天地2)

今日大雨 就喺附近食饭，咁啱经过见到间食铁板肉，见有好多人嚟食，而且又坐满咁就去试。叫咗铁板牛柳，法式焗田螺，配罗宋汤同面包。面包系热嘅，仲有牛油，面包系好食。汤就好咸，而且完全冇罗宋汤嘅味道。法式焗田螺，我以为会系有啲法式螺连埋𠮶啲薯蓉，点知剩系得𠮶啲肉，而且卖相一般。螺肉冇味道唔好食。牛柳叫咗五成，肉质嫩滑应该系用咗松肉粉，食落口就唔会觉得难咬，但系冇牛肉味。𠮶度楼底唔算矮，但系都好嘈。价钱$208系合理嘅。…查看更多

老婆话新开张，所以试下！星期六 6:40pm入座, 唔驶等位, 入坐后开始有少量人排队。餐厅环境和清洁, 都正常ok.白汤渣到晕, 又咸, 又唔好饮.叫咗三个铁板餐, $557埋单.两个五成熟, 一个七成熟, 结果嚟咗全部七成熟以上. 个样系ok，大大份，但就系得个样，以上全部都系冇乜所谓, 最弊系D牛扒畀啲松肉粉乸到梅晒. 都唔知食咗乜落口。有杯啫哩做甜品！价钱又唔平，都唔明点解有人排队, 食大家乐都冇咁嬲！店员都多人, 所以行动极快，你一摆低啲嘢，佢哋就会执走晒！老板应该有明确指令.…查看更多

1. 要排队冇得攞飞已经。。。。。。2. 啲扒餐啲牛扒全部用唔知啲咩粉搞到完全冇肉质同口感 合埋对眼你唔知自己食紧啲咩3. 食完第二日柯咗十次都嚟4. 希望老板见到 虽然唔会帮衬第二次5. 真系好难食 希望快啲执 唔好害人6. 唔系同行踩你 系真系难食 未试过写食评 估唔到自己会download个app弹啲嘢食…查看更多

寻日咁岩去开荃湾 见到有马得里 谂住平时荔枝角果间lunch好多人排 咁就试下佢啦食物方面普普通通 正常发挥 但搞笑既系个西冷食左一半 谂坐坐下先食 又唔系赶时间 有个侍应就行埋黎收左 好似想赶人走咁..其实如果出面有人排紧队既话 我都理解 但当时系完全无食扒食到快餐咁 真系不了 …查看更多

同朋友去餐厅食夜晚饭，叫左两个面（一个龙虾、一个白汁鹅肝）。餐牌外表几吸引，而且当时我地听讲佢新开，所以去左试一次，原来得个样。警世！前菜面包算不过不失，餐汤明显太咸，已经觉得一般般，不过我自己果分正餐真系难食到XX，从来都无见过白汁整得咁差，好浓但系又食唔到味道。简单比喻，好似有落盐、芝士粉既粥，但系又一patpat咁，食到一半想🤮。最后半个面都无食，浪费晒。餐饮冬OT公道讲算大杯，不过都系太甜，坐又坐得唔舒服，最后盛惠$300+，肉痛！…查看更多