Walter Bistro (智選假日酒店) (已結業)

今次去Walter Bistro喺觀塘智選假日酒店1樓半自助餐形式每人可以揀一個主菜仲送人頭燉湯螺頭花膠雞湯同半隻龍蝦其他都可以任食㗎！食buffet當然主力食海鮮生蠔喺必食！今次呢食到幾款唔同蠔都好鮮甜同肥美，最鍾意其中一款呢又好濃嘅海水味，個又唔腥，我一個人起碼食咗一打，已經回本。另外梗係要食長腳蟹，多肉，無雪水味！其他硬盤海鮮就普普通通。刺身都唔錯呀有三文魚、八爪魚、帶子等仲有幾款壽司可以揀。而熱食方面都唔少，炒蜆都係又肥又鮮！最後覺得佢哋嘅甜品都好值得一食！佢哋嘅size全部都係Mini cake，所以呢食到好飽都仲食到。特別係Tiramisu，朱古力蛋糕都係好好。七五折之後呢係大概三百零蚊一位呢個價錢呢超抵食，佢嘅自助食物選擇其實都唔少，一定夠你食得飽。主菜我揀咗燴和牛面頰配薯蓉及新鮮時蔬。個汁好味啦加上和牛面頰煮得好淋，入口即溶，擺碟賣相亦都係五星酒店級，冇得彈。佢哋嘅環境比較光猛，唔似舊式嘅酒店自助餐黑蚊蚊。服務態度好好啦而且幫你清理碗碟都好快，絕對有下次！