影片
更多
2011-08-07
690 浏览
由於男性對征服慾望嘅慫恿下，今日我終於同友人黎左呢個名滿天下嘅深水佬明將總壇，打算同佢切磋切磋，交流交流。最響當當大名嘅梗係「極上」紅豆壽司啦，呢個要留番最尾先食，試一試水溫先。我地先叫左煙鴨胸﹑蝦﹑魷魚﹑鰻魚﹑三文魚等熱一熱身。其實在座都幾多人黎食，始終五十幾蚊任食係有佢一定嘅吸引力，當中梗係不乏有黎朝聖學野嘅人啦。壽司可以落單寫又或者拎迴轉帶上嘅，我地多數都係寫，感覺會新鮮啲嘛。煙鴨胸同鰻魚呢啲係穩陣嘅款，所以味道一般，唔難食，亦冇驚喜；蝦壽司每粒得一隻蝦，似食飯多過似食舊蝦，而且都唔新鮮；三文魚薄﹑魷魚「un」得似擦膠，仲有小小臭臭地...三文魚子好乾身，好咸，食完要即刻飲茶沖沖陣味...講番壽司嘅飯，都幾肯定唔係珍珠米，完全係飯黎，而且頗難夾，一夾即散，結果係成碟豉油都係碎飯。好啦！黎到最後終於要試紅豆壽司，講真呢個配碟真係創新同埋夠玩味！黎到唔試真係唔好話自己黎過！食落好其實唔難食，至少唔會吐番出黎，不過你會明白原來紅豆同埋壽司就好似你食薯條點豉油一樣，九唔搭８。咬好耐，好有咬口，好似食緊bb仔食嗰d mun mun咁，下次都係咪制，簡直係玩命。總括黎講，其實明將唔係啲人講得
由於男性對征服慾望嘅慫恿下，今日我終於同友人黎左呢個名滿天下嘅深水佬明將總壇，打算同佢切磋切磋，交流交流。最響當當大名嘅梗係「極上」紅豆壽司啦，呢個要留番最尾先食，試一試水溫先。
我地先叫左煙鴨胸﹑蝦﹑魷魚﹑鰻魚﹑三文魚等熱一熱身。
其實在座都幾多人黎食，始終五十幾蚊任食係有佢一定嘅吸引力，當中梗係不乏有黎朝聖學野嘅人啦。
壽司可以落單寫又或者拎迴轉帶上嘅，我地多數都係寫，感覺會新鮮啲嘛。
煙鴨胸同鰻魚呢啲係穩陣嘅款，所以味道一般，唔難食，亦冇驚喜；
蝦壽司每粒得一隻蝦，似食飯多過似食舊蝦，而且都唔新鮮；
三文魚薄﹑魷魚「un」得似擦膠，仲有小小臭臭地...
三文魚子好乾身，好咸，食完要即刻飲茶沖沖陣味...
講番壽司嘅飯，都幾肯定唔係珍珠米，完全係飯黎，而且頗難夾，一夾即散，結果係成碟豉油都係碎飯。
好啦！
黎到最後終於要試紅豆壽司，講真呢個配碟真係創新同埋夠玩味！黎到唔試真係唔好話自己黎過！
食落好其實唔難食，至少唔會吐番出黎，不過你會明白原來紅豆同埋壽司就好似你食薯條點豉油一樣，九唔搭８。
咬好耐，好有咬口，好似食緊bb仔食嗰d mun mun咁，下次都係咪制，簡直係玩命。
總括黎講，其實明將唔係啲人講得咁差，試問＄５１蚊仲要任食，你可以對啲食物有咩要求丫。如果只求溫飽，過下任食壽司癮其實都係唔錯嘅選擇，呢個亦係明將越開越多嘅原因。
不過在我本人，我下次會寧願等百佳夜晚啲減價壽司。
张贴
