影片
更多
2019-01-31
4498 浏览
上次嚟東港城一田掃貨見到呢間新麻蒲BBQ已經覺得好吸引喇,今晚阿肥話要嚟買日本生果食,我終於都有機會嚟食超出名嘅韓國燒烤啦~一收工就即刻搭車嚟,未到旺場時間所以都唔洗排隊直接入座,所以都未睇得清楚楝起門口嗰塊餐板坐低先慢慢再揀~原來呢度同傳統舊式嘅韓燒任食食店有啲分別,呢度嘅韓燒主要係套餐為主,有好多種份量嘅選擇,我哋一坐低已經見到成枱都係小食,原來都係一啲任添任點嘅韓式沙律菜呀泡菜呀海苔呀咁。我哋兩條友人少少,今次就揀咗個SS1嘅牛肉套餐品嚐品嚐。SS1牛肉套餐1($398蚊)：呢份beef set裡面包括有特級霜降牛肉100g+秘製牛肋排120g+新麻蒲秘製牛五花肉120g+特選韓式什錦拼盤(年糕,蘑菇,豬肉香腸,大蝦),以上呢啲全部都係for自己燒嘅生冷食物,套餐另外仲有一邊爐係for新麻蒲部隊鍋添,真係超級豐富又繁忙生嘢嚟到嘅時候,用一個鐵製層架盛載,共有三層,最高嗰層就係特選韓式什錦拼盤,中間就裝住秘製牛肋排同埋特級霜降牛肉,最底嗰層就係秘製牛五花肉,驟眼睇嘅份量好似唔係好多咁,但其實兩個人都已經夠哂食喇。自己慢慢燒吓食吓,旁邊個爐仲煮緊個部隊鍋,食吓食吓已經非常之滿足。首先
SS1牛肉套餐1
$398
79 浏览
1 赞好
0 留言
首先想講吓我最鍾意食嘅嗰款就係秘製牛肋排,切開條狀之後佢哋啲醃料呈現淺啡色,燒熟咗之後肉質好夠腍,味道係甜甜哋嘅燒烤醬非常惹味跟住就到最底嗰層嘅秘製牛五花肉片,塊塊都切到好薄,同打邊爐嘅肥牛不盡相同咁,燒起上嚟更加快熟極速有得食,半肥半瘦嘅牛肉片令人追住嚟燒,不錯。反而特級霜降牛肉可能因為本身切得比較厚,所以都要燒耐小小先至會熟,如果唔係都仲會見到有血水喺肉之間咇咗出嚟,但佢厚身嘅質地令其口感都較煙韌,鍾意有彈性同嚼勁嘅朋友就啱哂喇。最值得一提嘅就係爐邊會有個環條狀位,用嚟燒蛋漿用㗎,本身蛋漿已經撈咗泡菜同調味,食咗一part肉之後啲蛋都幾乎起邊熟喇,有泡菜味嘅蛋先至係韓國嘅味道嘛~原來蛋漿仲要係無限refill㗎因為聽見隔離枱嘅客人起勢咁翻啅呢!食完唔同味道嘅牛肉,就開始燒下啲香腸呀蝦呀翠玉瓜呀咁,估唔到條腸入面仲有爆漿芝士添!!!正呀~
SS1牛肉套餐1-部隊鍋
$398
25 浏览
0 赞好
0 留言
SS1牛肉套餐1-部隊鍋
$398
71 浏览
0 赞好
0 留言
SS1牛肉套餐1
$398
41 浏览
0 赞好
0 留言
餐前沙律
29 浏览
0 赞好
0 留言
醬料
31 浏览
0 赞好
0 留言
爐邊蛋漿
42 浏览
1 赞好
0 留言
张贴
