Undici

营业中

休息中

約左個好耐冇見既朋友食飯，諗起銅鑼灣假日好去處，餐廳好近時代廣場，地點夠哂就腳，最緊要環境好舒適，野食仲好好味。凱撒沙律沙律菜爽甜，作為開胃前菜一流。蒜蓉牛油酒煮蜆份量非常多，蒜蓉牛油味好出，蜆肉大大隻，配埋啲汁食冇得輸。香草蜜糖無激素雞翼雞翼外脆內軟，厚厚蜜糖令人食指大動。關西牛肉燒配牛肝菌意大利飯肉汁爆滿，牛肉高質軟淋，意大利飯亦好有咬口，配搭得非常好。抹茶芝士蛋糕抹茶味濃唔苦，芝士蛋糕軟硬適中，好好食。朱古力芝士蛋糕朱古力味同芝士蛋糕好夾，亦唔會太甜，蛋糕仲有好多味道可以選擇，下次要試埋其他味道。美式咖啡食芝士蛋糕一定要配一杯咖啡，咖啡味道甘香濃郁。