阿閒泰 (K11購物藝術館)

营业中

休息中

咁岩有活動經過K11 Art Mall，就試下呢度的人氣泰菜 Ahan Thai，估唔到6點半已經排緊隊，係呢個時候都算係難得。店舖都算大，簡約裝潢，環境都算舒適，今次就叫左幾道特色菜式。呢道真係阿閒泰其中一道Signature Dish，一上枱已經聞到炭燒的香味，雞皮夠薄超脆，好似食緊薯片咁。而用三黃雞的好處係脂肪豐滿，一咬開就滲出肉汁同油份，配上青檸同泰式酸辣汁，增加東南亞風味，同時亦都可以解膩。配菜都有誠意，包括有甜到漏的燒菠蘿同埋焦糖腰果、合桃。原個椰菜花切片，望落真係好似食緊一塊扒咁。椰菜花烤得焦香，但同時保持Juicy，配上青咖喱加添椰奶同埋辛辣的味道，同時加上合桃同腰果增加層次及口感。用冬蔭功醬汁黎配上意大利麵都幾有泰式風味，相對辣味重少少。意大利麵煮得岩岩好，唔會過淋。配料除左有虎蝦外，仲有青口、魷魚等，全部都爽口彈牙，係幾特別的Fusion菜式。用氮氣黎整檸檬茶真係第一次飲，一開始以為會係有氣檸檬茶，但其實無乜氣，加左氮氣反而令冷泡檸檬茶增加絲滑的口感。檸檬同茶底的味道整得幾Balance，平衡控制到甜度、酸度同埋檸檬同茶的澀味。