簡品堂

营业中

休息中

今日約咗舊同事響天后食lunch，途經呢間bookmark 咗一陣子人氣麵包店，即刻入去買黎試吓。拉絲芝士波波我叮熱黎食做早餐，個包好軟，入面芝士好香，芝士拉絲，芝士控一定鍾意。特濃黑芝麻麻糬波波店員話呢個係新口味，即管買嚟試吓，同樣叮熱食，黑芝麻味好香，麻糬煙韌QQ。麻糬曲奇一盒有四款味道，特濃朱古力，抹茶，焙茶及牛油味。下午茶時間我沖杯茶食個麻糬曲奇嘆下，個曲奇鬆脆，內裏麻糬煙韌，兩種口感。下午茶食呢個超滿足，最鍾意特濃朱古力味。原味手工蛋卷就嚟母親節，我特登買來孝敬媽咪，媽咪好鍾意食蛋卷，店員話呢個蛋捲係手工製作。我試食咗一條，好鬆脆而且充滿牛油蛋香味。