新沙洞澡堂 (已結業)

在長沙灣有間年青韓式風格餐廳新沙洞，店內播住韓式k歌非常輕快。店內裝修時尚光猛帶賣點！晚市韓式豬肉包菜套餐， 生菜包住半肥瘦既豬腩肉，再加蘿蔔絲，蒜片，辣醬，青辣，大葉等，入口首先清新清爽，之後帶有惹味感覺！雜莓伯爵茶特飲，調配得幾夾滲出陣陣伯爵茶香味，雜莓唔會太酸，清新香甜解喝。柚子醬整整包圍住炸雞，但口感仍有香脆感，味道帶清新香甜，肉質嫩嫩，口感一流！韓式牛肉拌飯好多配料， 非常多配料有紫菜碎， 泡菜，洋蔥，牛肉片，份量夠多，飯粒軟綿吸味，味道濃郁。牛肉片調味剛好，唔太咸幾有肉汁香。新沙洞招牌炸物拼盤， 有年糕串，餃子，南瓜等炸物，香脆口感幾正，份量驚人。