濟州燒肉食堂

营业中

休息中

喺北角匯裏面嘅濟洲燒肉食堂，一到夜晚就坐滿晒人～好有人氣！入面裝修亮麗，滿有韓式燒烤嘅氣氛🔥也有足夠嘅空間感！一嚟到就有幾款韓式前菜和沙律～爐邊有蛋和芝士粟米，都係可以無限添加嘅。🔶豪快黑毛和牛外羣肉 鍾意食牛嘅必點豪快黑毛和牛外羣肉，肉質十分軟嫩，每一口都有滿滿的牛脂香。🔶食堂黑毛豬五花肉五花肉好大一片～燒完過後充滿口感😋油脂豐富，肉嫩多汁。🔶食堂豬皮 第一次燒豬皮，仲要係勁大一塊！超香！啖啖脂香非常邪惡，我就用生菜包住食平衡返油膩感。🔶每日新鮮鰻魚(半份) 半份都唔少，燒完可以剪開四件。新鮮鰻魚好正～燒完皮脆肉嫩又肥美！🔶梨汁雞肉 加入左梨汁來醃製嘅雞肉～入口多咗一份清新，燒完之後雞肉嫩滑唔乾柴。🔶原味炸雞正呀香噴噴熱辣辣！炸得外脆內嫩～肉質豐富不油膩。🔶濟州特飲 &梅子青檸梳打食韓燒最緊要有兩杯清爽舒心嘅飲品，呢兩杯都吸引！濟州特飲係芒果茶嘅口味～而梅子青檸梳打～加入咗梅子，酸酸甜甜好消膩。