一生懸麵 (荃灣千色匯I) (已結業)

之前其實已經食過一生懸麵，但係次次雪糕拉麵都賣晒🥲，今次閒日晚上再睇吓同雪糕拉麵有冇緣份😛。好好彩唔使等位之餘仲可以一試。首先拉麵送來嘅時候已經好吸睛，店員話可以將雪糕浸落拉麵湯底一齊食。但係當然我首先梗係要試吓個雪糕先啦，係超香濃嘅花生🥜味 ，夠晒冰涼。個筒預咗唔會脆，因為始終浸落個湯到，而且都唔係重點。重點在於雪糕🤣。將雪糕同辛辣湯底一齊食嘅時候，感覺食緊擔擔麵。好特別嘅體驗，而且覺得成件事都係好夾嘅。總結來講，未試過嘅都可以一試。但係我都係一個鍾意食湯底超熱嘅人😂所以下次我都係會照返雞白湯😋