Wingman (已結業)

平時燒肉放題，邊爐放題食得多，但雞翼放題未食過，今日同朋友去旺角wingman 食雞翼放題。一入門口已經有打卡位，已經到達「雞頭」站。餐廳有拼盤、單點、放題選擇，選擇困難症既我地，當然簡左19款口味雞翼放題，可以試多幾款，唔駛下下就住就住。19款口味雞翼有辣有唔辣，有乾身、濕身、特製雞翼，每次落一款口味雞翼有4隻，即叫即製，隻隻都大大隻，啖啖肉，又入味。乾身雞翼大多數上面灑滿了調味粉，而濕身雞翼上面都有醬，另外特製雞翼味道比較特別，有花雕醉雞味、雞煲味、吉列咖喱味等等。款款味道都好吸引，有幾款我都好鐘意死神醬雞翼，雞翼上面超多醬和指天椒，對於我黎講係十級辣，自家製鹹蛋黃雞翼，超愛以款，雞翼上面有好多鹹蛋黃碎，充滿鹹香味。咖啡香味，以個好特別，雞翼上加了咖啡粉，但咖啡味不算太出，但鹹鹹地又好好食。巴馬臣芝士蒜蓉味-雞翼上面加了大量芝士和蒜蓉，芝味十足。黑芝麻海鮮蜂蜜，海鮮醬加蜂蜜，兩者味道都好出。雞煲味，勁入味，真係好似食緊雞煲咁。薯條以到既薯條必食，炸得勁香脆又不會油膩。