雞翼山 (T.O.P This is Our Place)

营业中

休息中

今日去旺角行下街，去左一個比較新既商場，當中引入大量餐廳，人流非常多。商場以小店為主，少見連鎖店品牌，連接去其他商場，地理位置非常方便。行過經過一間餐廳，主打雞翼，人流非常多。我見有趣都去排隊試下先！雞翼有好多不同口味，味道新奇有趣，而且店鋪改名好有心思，我叫左鼠尾草咸蛋黃哥雞翼。一盒四件，雞翼好大隻，唔係BB雞翼。入口肉質非常香嫩多汁，外層脆卜卜完全唔油膩，咸蛋黃味濃香口，咸香獨特，超正！即叫即炸熱辣辣架！食到停唔到口我就加點一盒，叫左講呢啲友情萬歲檸茶雞翼。果然有檸茶味架！酸酸甜甜，茶香重，好滿足。