舖頭細細，點心款式多，而且主打中環製造，同一個舖位隔黎就係佢地廠房人手做, 手工點心
都係新鮮製作，唔係預製菜。
薄皮鮮蝦餃（2隻）
蝦餃皮薄餡靚，啲皮唔會太黏，恰到好處。
蟹皇蒸燒賣（2粒）
燒賣超大粒，有大大隻蝦喺上面，還有蟹籽。
叉燒焗餐包（2個）
出邊比較少見，外面有蜜糖燒過好香甜，裏面叉燒足料唔會太多醬唔會太膩。
鮮蝦腐皮卷（2條）
外皮鬆化，足料，除咗蝦仲有滿滿餡料。
香煎蘿蔔糕（2件）
蘿蔔糕厚身，有臘味做餡料，特別惹味。
蜜汁叉燒腸粉
餡料滿滿，腸粉滑，好大碟飽肚。
蜜汁叉燒包
餡料豐富，皮薄餡靚，非常推介。
鳳爪排骨飯
排骨數量多，鳳爪好淋身入味，性價高，飯煮得粒粒分明。
楊枝甘露
期間限定，材料豐富，超多芒果肉，有西米同柚子，柚子冇冇苦澀味，好味。
總括嚟講，支持本地用心製作，行過會再幫襯。
