影片
更多
2022-07-02
357 浏览
冇得去旅行，但又想試正宗台式風味，無老鍋真係唔錯嘅選擇！佢喺台灣好出名，終於喺香港開咗分店！店內環境寬落舒適，有醬料自助區，無老特調醬油幾開胃，好香帶有少少酸味，一定要試！另外仲有蒜泥水、白醋、香油、辣椒、香蔥等，白飯任裝。火鍋嘅麵包豆腐同鴨血係任食㗎，味道非常之好，豆腐吸咗湯底，味道香濃綿滑，鴨血軟淋又入味，值得無限encore！------------------------------🍦◖冰淇淋豆腐白湯鍋+無老辣香鍋◗ $78/位+$88（鴛鴦鍋）兩個湯底都有好多配料係入面，好多香料同紅棗，個煲本身好濃味，聞落有少少養生嘅感覺！覺得唔夠仲可以加埋人參入個湯底到，味道應該會仲出色！隨鍋會有兩粒冰淇淋豆腐加落個白湯鍋，冰淇淋豆腐似花枝滑咁，更加軟滑同入口即溶，好特別！至於無老辣香鍋勁濃花椒味，辣味香濃食落又唔會好辣，唔太食得辣都接受到，過下癮！🐂◖特選牛拼盤◗ $498其實份量都幾多，牛拼盤包咗幾款罕有嘅牛部位：牛邊爪、封門柳、牛頸脊、牛黃喉同一次過可以試曬，唔洗選擇困難！牛肉肉質鮮嫩，充滿牛味，牛黃喉食落好爽脆！ 🦐◖手工蝦滑◗ $108鮮味十足，食到有粒粒蝦肉，好有口感！ 🍥
------------------------------
🍦◖冰淇淋豆腐白湯鍋+無老辣香鍋◗ $78/位+$88（鴛鴦鍋）兩個湯底都有好多配料係入面，好多香料同紅棗，個煲本身好濃味，聞落有少少養生嘅感覺！覺得唔夠仲可以加埋人參入個湯底到，味道應該會仲出色！隨鍋會有兩粒冰淇淋豆腐加落個白湯鍋，冰淇淋豆腐似花枝滑咁，更加軟滑同入口即溶，好特別！至於無老辣香鍋勁濃花椒味，辣味香濃食落又唔會好辣，唔太食得辣都接受到，過下癮！
🐂◖特選牛拼盤◗ $498
其實份量都幾多，牛拼盤包咗幾款罕有嘅牛部位：牛邊爪、封門柳、牛頸脊、牛黃喉同一次過可以試曬，唔洗選擇困難！牛肉肉質鮮嫩，充滿牛味，牛黃喉食落好爽脆！
🦐◖手工蝦滑◗ $108
鮮味十足，食到有粒粒蝦肉，好有口感！
🍥◖綜合丸◗ $128
有蝦丸、牛骨濃汁牛丸、花枝丸同豬骨濃汁牛丸各兩粒，個人最鍾意牛骨濃汁牛丸，味道有層次，絕對唔會係出面啲丸嘅質素！
🥃◖招牌冰鎮烏梅汁◗ $108
有一大jar，分到好幾杯，啱曬同朋友一齊share，酸酸地嘅烏梅汁可以消膩解渴，慢慢食慢慢飲唔錯~
Encore指數：9/10
------------------------------
可以無限添加麵包豆腐同鴨血真係不得了，超級鍾意佢個麵包豆腐，其實係百頁豆腐，但更加吸汁更加軟滑！最後仲有個蜜桃沙冰送，甜甜地拎黎收尾~
另外店員態度勁好，好主動會每道菜同你介紹下，overall餐飲體驗幾好！人氣大熱嘅台式火鍋，比較難book位，想晚市黎食就要預早幾個星期book定啦！想快啲食到嘅話，可以午市walk in，人流唔算多通常都會有位！
张贴
