火五越式牛肉粉專門店 (其昌樓)

营业中

休息中

白加士街食肆林立，呢間越式牛肉粉專門店吸引咗好多人排隊。我同男朋友決定買外賣，試試佢哋嘅手勢。法式咖喱牛肋油香飯$58咖喱味道好香，層次豐富，唔會好辣。口感比想像中香滑。牛肋條好軟腍，亦都煮得夠入味。香茅豬頸肉撈檬$58豬頸肉香茅味好重，亦都煎得好香。檬粉加埋紅蘿蔔絲、生菜、青瓜絲，味道好清新，而且亦都好健康。手作炸軟殼蟹米紙卷$76米紙卷包着生菜、紅蘿蔔絲、軟殼蟹、檬粉，外型飽滿，份量十足，食半份已經好飽。軟殼蟹炸得好脆又唔會好油膩。