影片
更多
2016-01-19
198 浏览
星期五當然要吃好西！同朋友去咗Nun尖沙咀嘅新店食韓式刨冰。尖沙咀嘅Nun 雖然新開，但係人氣好勁，九點未到已經大排長龍，不過turn over rate都算快，等咗大約三個字就入得去。韓式宇治金時紅豆雪奶($68)，賣相非常翠綠吸睛，雪糕同雪花冰嘅抹茶味都比較淡，抹茶控未必能滿足，奶味反而較重。雪花冰係牛奶味，質地綿密，入口即溶，中間已經加咗煉奶，食到中下層見到再有另一層抹茶粉、煉奶同紅豆，所以唔需要額外再加煉奶都夠味。韓式棉花糖雪糕吐司 ($48)第一次食韓式燒棉花糖吐司，無食過其他所以比較唔到，不過覺得幾得意。吐司有厚度，大概一吋厚，烤得暖暖脆脆的，滿滿嘅棉花糖燒至半溶，上面微微帶脆，搭配雪糕呢個冷熱組合係邪惡嘅！除左甜品，原來呢度仲有咸食，價錢亦唔貴，下次黎食先！
尖沙咀嘅Nun 雖然新開，但係人氣好勁，九點未到已經大排長龍，不過turn over rate都算快，等咗大約三個字就入得去。
韓式宇治金時紅豆雪奶($68)，賣相非常翠綠吸睛，雪糕同雪花冰嘅抹茶味都比較淡，抹茶控未必能滿足，奶味反而較重。雪花冰係牛奶味，質地綿密，入口即溶，中間已經加咗煉奶，食到中下層見到再有另一層抹茶粉、煉奶同紅豆，所以唔需要額外再加煉奶都夠味。
韓式棉花糖雪糕吐司 ($48)第一次食韓式燒棉花糖吐司，無食過其他所以比較唔到，不過覺得幾得意。
吐司有厚度，大概一吋厚，烤得暖暖脆脆的，滿滿嘅棉花糖燒至半溶，上面微微帶脆，搭配雪糕呢個冷熱組合係邪惡嘅！
除左甜品，原來呢度仲有咸食，價錢亦唔貴，下次黎食先！
张贴
