影片
更多
2020-10-26
41 浏览
呢次嚟到位於尖沙咀K11嘅人氣三文治店HAND3AG，係一間鐵板三文治專門店，店內簡約嘅裝修，採用自助形式，而佢哋呢度嘅三文治每款都極為吸引，每款味道組合都非常特別，玩味十足。加39蚊可轉套餐（三日三夜自家手切薯條/北海道野菜薏米濃湯/凱撒沙律&飲品）三文治每邊喺鐵板上用植物牛油同埋橄欖油將其輕輕煎至金黃色，麵包滿滿油香味。歐陸監獄鐵板三文治：加入左普羅旺斯燉肉丸，玫瑰芝士燴通心粉，脆薯餅，水晶生菜，濃邊流心蛋，熔岩芝士，肉汁蛋汁滿滿，呢個三文治飽肚感十足，充滿異國風情嘅味道，芝士味濃郁，芝士迷會非常鍾愛。拉麵叉燒鐵板三文治：呢個三文治玩味十足，將日式拉麵嘅食材變為三文治，分別有日式叉燒，味噌拉麵，味付溏心蛋，味付荀絲，牛油粟米粒，熔岩芝士，味噌蛋黃醬等，跟餐嘅人氣小食三日三夜自家手切薯條，顧名思義用上三日三夜製作，用上Agria嘅薯仔經過精挑細選出嚟，呢種薯仔質地鬆粉，外皮簿脆，可加7蚊配上自家醬汁（特製蕃茄醬，黑松露蛋黃醬，黑蒜滋味醬）而黑松露蛋黃醬濃郁嘅黑松露味同薯仔非常夾，會令人一食上癮。而我哋另外點選左大餐牌中嘅小食蟹肉忌廉餅，一份有三個，外表炸至金黃色，酥脆非常，而入面嘅蟹
呢次嚟到位於尖沙咀K11嘅人氣三文治店HAND3AG，係一間鐵板三文治專門店，店內簡約嘅裝修，採用自助形式，而佢哋呢度嘅三文治每款都極為吸引，每款味道組合都非常特別，玩味十足。
加39蚊可轉套餐
（三日三夜自家手切薯條/
北海道野菜薏米濃湯/凱撒沙律&飲品）
三文治每邊喺鐵板上用植物牛油同埋橄欖油將其輕輕煎至金黃色，麵包滿滿油香味。
歐陸監獄鐵板三文治：加入左普羅旺斯燉肉丸，玫瑰芝士燴通心粉，脆薯餅，水晶生菜，濃邊流心蛋，熔岩芝士，肉汁蛋汁滿滿，呢個三文治飽肚感十足，充滿異國風情嘅味道，芝士味濃郁，芝士迷會非常鍾愛。
拉麵叉燒鐵板三文治：呢個三文治玩味十足，將日式拉麵嘅食材變為三文治，分別有日式叉燒，味噌拉麵，味付溏心蛋，味付荀絲，牛油粟米粒，熔岩芝士，味噌蛋黃醬等，
跟餐嘅人氣小食三日三夜自家手切薯條，顧名思義用上三日三夜製作，用上Agria嘅薯仔經過精挑細選出嚟，呢種薯仔質地鬆粉，外皮簿脆，可加7蚊配上自家醬汁（特製蕃茄醬，黑松露蛋黃醬，黑蒜滋味醬）而黑松露蛋黃醬濃郁嘅黑松露味同薯仔非常夾，會令人一食上癮。
而我哋另外點選左大餐牌中嘅小食蟹肉忌廉餅，一份有三個，外表炸至金黃色，酥脆非常，而入面嘅蟹肉忌廉除左滿滿嘅蟹肉外仲非常creamy添。
Americano：呢款係佢哋嘅得獎咖啡，用上較Fruity嘅咖啡豆，帶有陣陣果香味，飲落果酸味較重，若不喜歡帶酸嘅咖啡，可以選擇Nutty，而店員落單時會問要用邊款嘅咖啡豆，係非常貼心嘅服務。张贴
