順日本料理 (已結業)

天后有間開業30多年，比較低調嘅日式料理小店順日本料理，早排得到好多網民極力推介🙌🏻旋即吸引唔少人慕名而來🔥試下佢哋招牌嘅厚燒牛舌飯，牛舌厚度有差唔多成半隻手指長度🤩🤩喜愛食牛舌嘅人如我都專登過嚟試吓😛今次叫咗招牌厚燒牛舌飯同厚燒牛舌便當，兩款都附送麵豉湯、沙律，份量十足好豐富。厚燒牛舌飯有5塊超級厚嘅牛舌，厚度勁誇張🙀果然係名不虛傳👏🏻👏🏻面頭煎至微脆，咬落煙韌chewy啖啖肉，中間保持juicy感覺💦簡單以鹽同胡椒調味，黑胡椒味突出。底下嘅珍珠米淋上燒汁，鹹鹹甜甜，飯粒香軟。一碗有成5塊咁大塊真係食到好飽🤰🏻最後食唔晒要打包，估唔到餐廳會提供翻熱方法，返屋企都可以令牛舌保持最佳狀態👍🏻👍🏻隨餐附送嘅麵豉湯幾好飲，有唔少索晒湯汁又香甜嘅蘿蔔片，仲有冬菇。厚燒牛舌便當🍱便當有3塊牛舌，配冷蕎麥麵、煙三文魚、沙律、麵豉湯。蕎麥麵醬汁比較清淡，清清地都可以中和牛舌嘅飽滯感。便當最後仲有雪糕，海鹽味味道都唔錯😙😙青檸梳打夏日熱辣辣🥵最後仲加咗青檸梳打消消暑😆😆青檸酸味重，飲落特別refreshing。人均消費：$160推介指數（10分為滿分）：8分