INN - I’m Not Nothing (已結業)

見到最近好多人去呢間餐廳打卡，呢日就去九展行outlet同埋去試吓呢間餐廳。餐廳環境裝修都係行法式休閒風情feel。加上啲法文歌都幾有氣氛。Lunch menu 食物款式都算幾多，價錢範圍有$88到$148。是日餐湯午市套餐包埋嘅餐湯，呢一日係薯仔大蒜湯，佢嘅湯都幾濃厚，調味都合適，不過不失。香橙鴨脾配紫蘇醬意大利飯鴨髀都幾嫩滑，表面有淡淡的香橙味，香橙味唔算太濃郁，唔會話搶過鴨脾嘅味道。而個意大利飯我自己就好鍾意，個飯軟硬適中，佢嘅味道係似pesto sauce，再加上蘑菇味，正，呢個值得推介。烤焗加拿大豬肉眼配玉桂蘋果醬個豬肉眼都幾大份，再配搭一啲雜菜，豬肉眼都幾淋身，但最有驚喜嘅係佢玉桂蘋果醬，佢係超濃郁嘅肉桂再加上一粒粒嘅蘋果，加上軟淋既豬肉眼，好食。士多啤梨藍莓奶昔 /Iced espresso tonic 士多啤梨藍莓奶昔係偏比較多奶嘅味道，再加上鮮忌廉，飲落都幾creamy。而個espresso tonic ,飲落都幾清新，仲有一塊橙乾喺面打卡幾靚。