奇納百川 (已結業)

海港城LCX嘅奇納百川，主打新派嘅韓式料理，食物賣相漂亮，仲有無敵海景，而且價錢公道，所以人氣極旺！香芒白桃忌廉蘇打 $68有靚靚嘅漸層，味道清爽，解暑一流！鮮奶紫芋 $50粉紫色夠晒誘人，入口香滑！三文魚子海膽忌廉醬烏冬 $188烏冬滑溜又帶點煙靭，醬汁夠濃厚，每一條烏冬都沾滿美味嘅海膽忌廉汁，大量嘅三文魚子令鮮味大幅提升，好滿足！奇納百川沙律 $148色彩繽紛嘅沙律，內含雞肉、牛肉、煙肉、雞蛋、牛油果、車厘茄、沙律菜同埋芝士，材料豐富而且份量都好多，配柚子汁酸酸哋真係好開胃！