Orange Elephant Thai Restaurant (啟德道) (已結業)

其實泰國野好難唔好食，orange elephant都算係九龍城數一數二泰國野，成日排晒長龍，閒閒地都半個鐘，我地七人有圓枱坐，都好闊。因為太多人佢上菜好慢，先黎碟菜醫下肚，香口。蒜蓉包又黎先過個咖哩，搞到餓得濟食左個包先，最後仲叫多左個包 😂豬頸肉份量幾多，好香口好脆。其他食物都係正常口味，人均$126。特別想講下啲野飲，菠蘿冰好味好清，椰汁還好，番石榴見佢咁特別一心諗住試下，但係係冇乜味的，甜又唔甜，果又唔果。少少失望。