After You Dessert Café (已結業)

After you dessert cafe 嘅刨冰一直都好出名，嗰日咁啱行到去囍帖街想同朋友坐低食甜品，於是就嗌咗兩個刨冰🤤Thai Tea Kakigori 細份泰茶刨冰嗌咗細份，份量比起大份少咗一倍有多，感覺加多$40嗌大份會更加抵食！刨冰充滿咗濃郁嘅泰茶味道加上濃郁嘅奶蓋，味道非常夾👅食到底仲會有仙草粒同埋多士，多士感覺唔係話太夾呢個刨冰，不過咁嘅配搭都幾特別⭐️Mango Sticky Rice Kakigori 大份芒果糯米飯刨冰一直都係after you嘅人氣刨冰，所以就叫咗大份，份量十足，同朋友三個人一齊食，都唔會覺得一人一啖就冇晒💕芒果牛奶冰再加上煉奶層，完美將平時食嘅芒果糯米飯嘅味道復刻咗落刨冰度🍴🧊食到底層有芒果粒、糯米飯同埋炒綠豆，為依個刨冰寫上一個完美嘅體驗🥭🥭曼谷假期茶食完兩個刨冰最啱就飲返一杯熱茶，派咗一壺曼谷假期，裏面有檸檬草、斑斕等等嘅泰式香料，味道柔和，飲咗一啖真係有少少似喺曼谷度休閒地飲緊茶嘅感覺😝