博多拉麵別天神 (已結業)

呢2個月，因為疫情嚴重嘅關係，真係減小左出街食飯，不過因為公司工作嘅緣故，要到銅鑼灣做嘢，結果選擇食埋晚飯先返屋企，初初諗住呢個時侯應該周圍都無乜人，好易搵位，所以就諗住食我最鍾意嘅拉麵，因為真係好耐冇食，口痕呀...於是响openrice 睇吓周圍有咩好介紹，就揀左佢。老實講，佢嘅位置比較偏，唔起眼，不過估唔到咁多人，而且鋪位細，坐得比較辛苦。不過香港人真係好支持佢，所以座無虛席。我2人分別點左2個套餐，包括有豚骨拉麵，蝦味噌豚骨拉麵，2份小食，有小龍蝦蟹子沙律與及餃子4隻，2個人食絕對足夠，餃子好味，有水準。而豚骨拉麵湯底唔錯，味濃。百零蚊一個套餐來講，物有所值