和氣食堂 (河畔花園)

营业中

休息中

今次嚟到沙田呢間和氣食堂， 日本嘢嚟講喺沙田區呢間真係人氣之一， 晚晚都超級多人排隊嚟食， 我本人試過入面啲嘢食都幾高質，而且價錢都合理，性價比高之選。好多店鋪就唔係算好大， 所以坐位都唔會話好苦但係都坐得啱啱好舒服啦， 本人就最欣賞佢嗰裝修，因為係木系裝修，感覺非常之日式， 環境都乾淨衛生防疫措施都做得唔錯。先講嗰間日本嘢最流行嘅刺身拼盤啦， 三文魚新鮮有光澤，無黑色瘀血， 係本人最愛嘅刺身之一。 刺身拼盤嘅亮點就係佢仲有生蠔， 生蠔食落幾新鮮睇，落都好肥美。炸物方面，天婦羅做得恰到好處 ，炸粉咁又唔會太多，而且上枱仲好熱辣辣。主食方面，最鐘意個冷烏冬，配埋佢估汁食好清新，係夏天呢d天氣食，好解熱，夠曬開胃。最後，個炸蒜茄子真係好好味，記得要趁熱食，好有炸蒜既油香。