廚十三老壇酸菜魚 (海之戀商場) (已結業)

荃灣有間酸菜魚出名好食就係人都知！平時都大排長龍！今日難得同朋友早放，於是我地湊湊熱鬧！😛首先坐企叫啲小食食下先！見到有碟菜名叫雨露均沾🤣，個名幾特別！於是我同朋友就叫左個黎試吓！原來係糍粑🍡！口感好煙韌但又唔會痴牙，而且甜度適中，好好食！我地仲再食左麻辣砵砵雞😋唔好以為佢只係得雞，佢原來都有好多餸，有牛展🐮，牛肚🐮，牛脷🐮，鵪鶉蛋🥚，萵筍片🥗，土豆片🥔同雞腳🐣，材料非常豐富！全部都好入味，夠晒麻辣！🌶🌶我地仲未夠喉，整多碟小食泡椒鳳爪🐓！鳳爪滑嘟嘟又爽滑，咬落去亦有滿滿濃郁既花椒味！好正！最後我地食埋呢度人氣之選—老壇酸菜魚🐠！魚煮得非常入味，酸麻得宜，仲可以揀自己鍾意食既食材做配菜！唔怪得錦多人鍾意食啦！🤞