Bakehouse by Grégoire Michaud

营业中

休息中

首先呢間嘢喺其他區，我一早已經見到，但每次都見到好多人排隊，因為要返工實在冇時間去排隊，早前見佢開咗喺新城市廣場，喺自己主場度出現，又咁啱得閒所以排咗一陣隊購買。雖然門口大排長龍，但係我發現沙田店職員效率係比較快，有時職員有效率顧客都要有效率嘅，所以沙田啲顧客都好快手。我自己有區分過日式麵包同外國麵包嘅分別，我覺得味道係有唔同嘅，今次呢間外國嘅麵包店，喺外邊聞到麵包味道好香，款式雖然唔算特別多，但係沙田店有一款只有沙田店先有嘅，我老公話嗰個幾好食，咁我就買咗好多麵包啦，爹哋媽咪都話OK嘅，因為最出名係個蛋撻佢哋都話OK嘅，但如果真係要排好耐隊再去買，我未必會咁做囉。