不籽是咖啡 (文豪閣)

营业中

休息中

呢間係油麻地嘅人氣打卡咖啡店《不籽是咖啡》，終於有機會嚟一探究竟。裝修都係好似其他嘅文青咖啡店一樣係簡約，但係佢哋樓底好高，所以空間感十足，可以好舒服咁坐喺度慢慢飲野傾計食下野。龍蝦湯配牛油果大蝦稻庭烏冬：呢個差唔多每檯都必定會點，用嚟打卡影相就最啱，濃郁嘅龍蝦湯用個壺裝起，由自己決定加幾多湯。烏冬口感彈牙，大蝦肉質爽口，完全無諗到牛油果同龍蝦湯嘅味道係好夾。味噌蟹醬蟹籽蟹肉扁意粉：味噌味道唔算好突出，平時食嘅韓國蟹醬完美融合喺意粉嘅醬汁入面，調味適中，唔會話太咸，醬汁夠哂Creamy，而蟹肉份量好足，啖啖都可以食到有蟹肉，而蟹籽就令鮮味變得更加突出。胡麻醬秋葵：秋葵清新又健康，清爽嘅口感，最啱夏天嘅時候食。Mojito soda：係款無酒精飲品，加左蝶豆花，所以為呢杯mojito帶點紫色，都幾啱用嚟影相打卡。海鹽忌廉朱古力鮮奶：朱古力好濃，鮮奶令口感幼滑，而甜度適中，加左海鹽令朱古力嘅味道更為突出。