林香檸手打檸檬茶 (天星碼頭)

营业中

休息中

話說今日搭船喺灣仔過嚟尖沙咀碼頭，見到喺落船嗰個位開咗一間新嘅手搖飲品。見到佢主打手打檸檬茶，但係其實都有好多唔同嘅口味我今日就叫咗一杯黃皮檸檬茶同菊花檸檬茶，試吓手打檸檬茶，到底有咩特別。佢嘅檸檬可以選擇甜度，店員好仔細咁樣介紹可以揀5分3分7分甜，因為我比較飲開淡味，但係又怕好酸，於是就揀咗3分甜。佢嘅手打檸檬茶有好多檸檬肉，因為我叫咗黃皮味，佢哋真係加咗好多陳皮落去一齊搖，黃皮味十足，而且好足料。而佢嘅菊花檸檬茶就好清新，重點係唔會死甜，非常有驚喜。