呦呦鹿鳴布丁燒 (已搬遷) 新店位置

終於唔洗去到葵廣咁遠都可以食到布甸燒😍喺popcorn當眼位置，一入popcorn同埋地鐵站一上就見到，好多人經過都會停低腳步買一個食▪️佢地嘅布甸燒有好多唔同口味，所有口味都係劃一$38😍😍▪️比完錢如果即場食，店員仲會幫我地倒好個布丁燒▪️呦呦鹿鳴布丁燒唔同嘅口味分別在於布丁層換上不同口味，布丁軟滑但唔會太易散開，芝士蛋糕綿密鬆軟，芝士味突出，最鍾意係即使加上焦糖，整體唔會太甜一啖可以食哂三層唔同口感實在太幸福🥰☕️焙茶 $38焙茶味唔算係濃，但係後勁會食到淡淡焙茶嘅焦香味，啱啱好平衡返布丁嘅蛋香同焙茶兩者🍮🥛北海道富良野3.7牛乳 $38用上100%北海道富良野生乳，布丁口感更有嫩滑，牛乳味道濃郁，個味好出