Lab Eat Bistro (豉油街) (已結業)

今次介紹嘅餐廳《Lab Eat》位於旺角豉油街，成日都經過嘅時候見到金黃色發光嘅招牌，今次終於有時間可以試。餐廳設計主要用咗工業風，有水泥牆壁同埋黑色嘅鐵樓梯，金屬感十足，樓高三層，好有空間感。鵝肝二重奏 $168話到明二重奏，咁梗係有兩種食法同煮法。第一種係常見嘅鵝肝配法包，鵝肝煎到好香，上面加入左黑醋汁，食落味濃又清新。第二樣食法就係鵝肝燉蛋，面頭用左焦糖在火炙，裏面就係主角香滑鵝肝，食落好香滑。慢煮二十四小時穀飼牛扒 20oz $388穀飼牛扒嘅好處係脂肪同蛋白質含量都會比較高，油花仲會呈大理石形狀。用左迷你牛小排，再經過24小時慢煮，肉質軟腍又唔會粘骨。醬汁有三款係選擇，我就揀咗紅酒汁，紅酒天然嘅酸味會令到牛扒肉味更加香濃。香煎法式羊架$298羊架五成熟外層煎香，內層粉紅色，肉質鮮嫩，唔會有耳羶味。另外仲配上藜麥沙律同埋香草乳酪，味道配搭好平衡。懷舊糖蔥餅拿破崙千層酥 $78估唔到佢哋會將香港嘅懷舊小食糖蔥餅整成拿破崙，中間再加上香滑忌廉再配上椰子雪糕，食落好香脆又充滿椰子味。柚子盛放 $78用咗Gin、柚子汁、青檸汁、茉莉茶、蜜糖、同埋苦啤酒，味道好清新。 新抱茶 $88用咗