麻辣風雲 (已結業)

無辣不歡既我，周不時都會搵啲辣野黎食下，呢間麻辣風雲亦都係我間唔中會黎既添！一上到黎旺角瓊華呢間會見到有個亭仔，我地今次咁岩就係坐係呢個位，好有feel🤣🤣🤣🔴荔枝蝦球見到個個黎到都必食，終於知道點解，一送黎就全場觸目，襯埋乾冰呢個效果，勁eye catching，蝦球係無荔枝味架唔好誤會🤣，外皮炸到脆卜卜，幾好食！🟡酸菜魚為左唔係好食得辣既朋友，今次叫左中辣多麻，真係好麻！超級爽🤩🤩勁多份量既魚，食極都仲有，肉質鮮嫩，溝埋薯粉食真係超飽🔵炸饅頭炸饅頭都係我每次食辣野必備既，外面炸到金黃色，點埋煉奶真係好出色🤩🤩佢個擺盤仲要係隻船＋乾冰，打左一輪卡先食得！🟢雞絲粉皮夏天食佢岩晒，開胃消暑，上面淋上大量既麻醬😍😍食到停唔到口。見到佢地仲新推出左啲新野食，例如咕嚕蝦球、宮保雞丁、虎皮尖椒小炒牛肉等等，飲品方面仲多左款手打檸檬鴨屎香茶，等我下次黎再試埋佢先！