頑固壽司 (已結業)

喺香港新開業近四個月嘅頑固壽司，我今日終於食到喇，晚市人氣旺盛，好多捧場客～餐牌超多選擇，心思思唔知點揀，就揀咗呢個「特上壽司拼盤十二貫」，果然識揀，樣樣高質，餐廳經理教我地先食有紫菜嘅壽司，食完濃味嘅鰻魚後，要用子薑清潔味蕾先再食魚生類壽司，由淡味食到濃味～～味覺享受十分滿意，好幸福～～我地另外叫咗個北海丼飯，材料超豐富，食材食得出係好新鮮，北海道海膽好creamy,帆立貝肉質厚彈，白蝦爽口，good~~餐廳經理再推薦咗三款壽司，首先係金目鯛，魚肉鮮甜嫩滑；第二係針魚壽司，配上紫蘇葉，清爽得嚟食得出好新鮮；最後係柚子大根，即蘿蔔壽司，食起上嚟好開胃，酸酸甜甜好滋味～仲有我最愛嘅海鮮茶碗蒸，嫩滑蛋配上海鮮，絕配！最後，日式甜點，黑糖蕨餅係日本傳統嘅和菓子之一，沾上淋咗黑糖嘅黃豆粉，食落口感煙韌，香甜～～