阿木台灣麵 (豉油街) (已搬遷) 新店位置

今日去醫院睇完醫生，經過呢度見到呢間人氣都幾高企嘅阿木台灣麵，所以就攞咗飛試下，係等嘅期間就周圍行下發現原來附近仲有間阿木生活百貨，入咗去兜咗個圈，之後返到去就有得入座喇。餐牌選擇幾多元化，單單係小食都有十幾款。😋鹽酥雞 ($39) : 鹽酥雞份量都幾多，雞粒外脆內嫩。台式炸大腸 ($42) : 炸大腸超級正，超脆口之餘仲勁肥美，雖然好邪惡但係好好食。😍紅燒牛肉牛筋麵 ($71) : 牛肉肉質軟腍，而且非常大件，仲要係厚切 😋 牛筋亦相當爽口，紅燒湯底味道都唔錯。