影片
更多
2020-07-08
72 浏览
之前收到朋友送俾我嘅阿木台灣麵台灣黑糖沖泡飲料及水蜜桃烏龍冷泡茶包，黑糖沖泡飲料內有玫瑰黑糖、桂花黑糖、桂圓紅棗黑糖、黑糖薑母四款口味，味道唔錯，而且黑糖特別適宜女士飲用。我本身好鍾意飲呢類黑糖飲品，見味道唔錯，短時間又去唔到台灣，就特地嚟本店買定存貨，順便食下嘢。估唔到阿木台灣麵原來超有人氣，我平日2pm去到都要排15min左右先入到去！好彩門口出面都有好多嘢睇！紅燒牛肉牛筋麵（$69）牛肉同牛筋都軟腍入味，牛腱厚身多肉，份量慷慨。湯底肉味濃郁鮮甜又唔會好油膩，我亦好鍾意食個麵，麵條人手新鮮製作，沿用老店配方，麵質Q彈，配上酸菜，口感好有層次。每張枱亦擺左秘製辣椒醬，食嘅時候可以加少少辣醬，帶花椒麻香及蝦鮮，辣味溫和，加少少有提鮮作用呢！台灣小香腸（$29）一向鍾意食香腸，台式香腸燒得脆口，食落甜甜地，同埋蒜片一齊食好滋味。芝士肉鬆蛋餅（$42）蛋餅包住拉絲芝士及滿滿嘅旗魚肉鬆，用料十足，口感豐富，如果蛋餅再煎香少少，薄身少少，食落乾身酥脆一D就更好啦！。粒粒白桃四季春($17)茶味突出，加咗香甜嘅白桃粒，剛好平衡咗四季春茶嘅香醇，都唔錯。走嘅時候當然唔少得買埋台灣黑糖沖泡飲料及水蜜
好彩門口出面都有好多嘢睇！
紅燒牛肉牛筋麵（$69）
牛肉同牛筋都軟腍入味，牛腱厚身多肉，份量慷慨。湯底肉味濃郁鮮甜又唔會好油膩，我亦好鍾意食個麵，麵條人手新鮮製作，沿用老店配方，麵質Q彈，配上酸菜，口感好有層次。
每張枱亦擺左秘製辣椒醬，食嘅時候可以加少少辣醬，帶花椒麻香及蝦鮮，辣味溫和，加少少有提鮮作用呢！
台灣小香腸（$29）
一向鍾意食香腸，台式香腸燒得脆口，食落甜甜地，同埋蒜片一齊食好滋味。
芝士肉鬆蛋餅（$42）
蛋餅包住拉絲芝士及滿滿嘅旗魚肉鬆，用料十足，口感豐富，如果蛋餅再煎香少少，薄身少少，食落乾身酥脆一D就更好啦！。
粒粒白桃四季春($17)
茶味突出，加咗香甜嘅白桃粒，剛好平衡咗四季春茶嘅香醇，都唔錯。
走嘅時候當然唔少得買埋台灣黑糖沖泡飲料及水蜜桃烏龍冷泡茶包，兩款都真心唔錯，值得一試！
张贴
