鮮芋仙 (已搬遷) 新店位置

台灣人氣甜品鋪頭，每次經過都人山人海排隊等位，大受歡迎👏🏻👏🏻 尖沙咀分店地方大，等左大約半個鐘就入到去～ 甜品選擇非常多，而且仲會不定期推出期間限定既款式～ 首先Q麻糬奶茶布丁拼盤，以珍珠奶茶作為推廣特色，香滑奶茶布丁加上珍珠，味道特別！招牌既仙草沙冰，配上淡奶、沙冰，芋圓等，清甜可口，必點之選～ 另外，芋圓系列，芋圓口感煙韌，再自由配搭各種配料！最後係大滿足既牛奶冰，好大份成座山咁高，沙冰上鋪滿左芋泥，再配上細細粒芋圓同雪糕🍦 係一間好有心思而且超水準既甜品店，值得一排～