桂花小幸 (元朗廣場)

营业中

休息中

約左朋友食下午茶，揀左食台灣野，到左元朗廣場的桂花小幸，星期日的下午亦十分多人，大概等左十五分鐘左右就可以入坐了。坐低後店員很快提供QR code，是自助形式落單的，店員亦提示用餐時間係一小時。食台灣野點可以唔點飲品，叫了芝士奶蓋阿華田＆芝士奶蓋玄米茶，朋友杯阿華田仲加左oreo碎，阿華田好濃郁，正喎。自己就揀左玄米茶走甜，個芝士奶蓋鹹香厚滑，玄米茶都好足茶味，好飲。主食叫左紅燒半筋半腩牛肉麵，加滷蛋～牛筋牛腩都炆得軟腍入味，大大塊好有口感。麵條揀左台灣麵，彈牙有嚼勁，個紅燒牛肉湯都好正，十分濃郁鮮味。另一份係古法黑草羊定食配上湯浸時菜，加滷蛋同雞肉，勁豐富呀！份量唔少喎，成煲滿晒㗎。羊腩大大件半肥瘦，羊皮同下層脂肪超正，彈牙甘香，其他配料有枝竹，冬菇，筍等，吸飽羊汁勁好味。加了份雞肉作小食，用乾蔥油調味，蔥香帶少少辛辣，好味噃。滷蛋夠入味，仲有點羊腩嘅腐乳醬都好正。朋友愛食肉，又點了份鹽酥雞排，餐牌見唔到有鹽酥雞，咁就要雞排啦～好大碟，炸得香脆，啖啖肉好好味。好滿足的一餐，點左好多肉，好彩個便當有番碗菜啫，叫平衡返少少啦。