饞。台式食堂 (如心廣場二期) (已結業)

放工Happy friday去左如心廣場覓食😌見到有間台灣料理餐廳都幾多人排隊，睇睇menu價錢唔貴，所以就果斷去了！我講既就係 饞·台式幸福食堂 @chan.taiwan.cuisine ！可能星期五比較多人，所以都排左半個鐘🥲 入到去係要自己去收銀處先下單，我地點左..🍱鹽酥雞配飯鹽酥雞都大碟，幾多份量，睇落顏色幾深，應該炸耐左，但無損味道，依然係好惹味，又唔會好厚粉咁～白飯既量都幾多下～..🍲藥燉排骨藥燉排骨有排骨同湯之外，仲有杞子同紅棗，感覺很滋補，不過要趁熱食，因為凍左無咁好味，湯比較偏苦澀一點，可能多藥材，撈飯食唔錯，排骨燉得好軟腍，唔錯～..🌭台式香腸台式香腸唔係度度有，所以叫返個，懷念下台灣的味道😉味道唔錯，絕對係台灣食到台式腸既味..🍧仙草凍晚餐來講，每個主食配湯或者甜品，夏天咁熱，所以我地揀左仙草凍來消暑🤣 有點特別，就係除左紅豆，仲有花生😂 脆卜卜增加左口感～以為係凍既甜品，點知原來係溫溫的，不過就食到仙草既口感幾好味，唔似香港既涼粉既爽，而係煙煙韌韌咁，又幾得意～..餐廳不大，位置不多，不過性價比高，環境乾淨兼光猛，幾舒服，大家去要睇住時間可能要排隊啦～