影片
更多
2021-05-11
473 浏览
已经食过几次，想食台式火锅都会食呢间！中午午市都几抵食，$88一个锅，包一个饭或粉丝，再加一杯红茶或绿茶🍵不过就要收加一服务费。之前食过药膳羊肉，招牌臭臭锅，都几好食，今次试下佢个季节限定先！黑麻油鸡系台湾生完小朋友必食嘅补品，但对于手冻冰冷嘅女仔都有调理嘅作用，我呢啲咁体虚嘅人就啱晒啦！🍴黑麻油鸡锅 $88一上枱，好香麻油味，有杞子，浓浓大补汤嘅味道，但食落系咸咸香香，唔会有中药味，个汤好好饮，饮完成个人暖晒！啲料都好足！有鸡肉，娃娃菜，炸枝竹，金针菇，磨菇，淮山，米血糕，沙白，鸣门卷，珍珠笋，台湾米线，玉子豆腐，牛丸，素饱鱼。鸡肉系普通雪鸡扒，料就冇话特别新鲜，都系雪嘢，但胜在足料，同个汤好饮。可以自己调酱，店舖推荐沙茶酱，豉油加蒜蓉，百搭又香口！份量好多，又面线又粉丝，食唔晒，好饱下。🍵绿茶 跟餐送 (微糖去冰)台式绿茶，茶味好浓，浓到有啲涩，微糖啱啱好！推荐指数: 8/10一人一锅，抵食又正宗嘅台式火锅，有辣有唔辣，九款汤底总有一款啱你口味！
之前食过药膳羊肉，招牌臭臭锅，都几好食，今次试下佢个季节限定先！黑麻油鸡系台湾生完小朋友必食嘅补品，但对于手冻冰冷嘅女仔都有调理嘅作用，我呢啲咁体虚嘅人就啱晒啦！
🍴黑麻油鸡锅 $88
一上枱，好香麻油味，有杞子，浓浓大补汤嘅味道，但食落系咸咸香香，唔会有中药味，个汤好好饮，饮完成个人暖晒！
啲料都好足！有鸡肉，娃娃菜，炸枝竹，金针菇，磨菇，淮山，米血糕，沙白，鸣门卷，珍珠笋，台湾米线，玉子豆腐，牛丸，素饱鱼。
鸡肉系普通雪鸡扒，料就冇话特别新鲜，都系雪嘢，但胜在足料，同个汤好饮。
可以自己调酱，店舖推荐沙茶酱，豉油加蒜蓉，百搭又香口！
份量好多，又面线又粉丝，食唔晒，好饱下。
🍵绿茶 跟餐送 (微糖去冰)
台式绿茶，茶味好浓，浓到有啲涩，微糖啱啱好！
推荐指数: 8/10
一人一锅，抵食又正宗嘅台式火锅，有辣有唔辣，九款汤底总有一款啱你口味！
黑麻油鸡锅
30 浏览
0 赞好
0 留言
张贴
