嘆嘆 (裝修中)

黃大仙區本身唔太多台式餐廳，咁啱喺openrice見到呢間台式餐廳人氣都幾高，地點正正位於黃大仙中心入面，趁早放工冇咩人就黎試下🐒1. 台式鐵鍋湯（$88 包飲品）有5款湯底揀，小編揀咗個平時少見嘅黑蒜牛骨湯～湯底望落好清，估唔到入口味道好濃郁！有兩大舊牛骨同起碼六舊牛腩，牛腩燜得軟爛入味，入面仲有唔少蔬菜，好有驚喜👍🏻小編仲另外加$40追加咗大滿足套餐（鐵兜入面嘅嘢全部都係），食完飽到上心口😂評分🌕🌕🌕🌕🌕2. 鐵路便當（$72）便當嘅菜式非常豐富，葷素搭配均衡，仲有鮮甜嘅昆布湯～甜不辣煙韌彈牙，魚肉香味重，鹽酥雞香脆可口🍗肉燥瘦肉比例較多，配埋榨菜同花生好惹味😋評分🌕🌕🌕🌕🌕3. 麻香肉燥撈麵（$52）刀削麵煙韌彈牙，肉燥同便當嘅一樣唔太肥，啱曬減緊肥嘅小編～不過味道偏淡，如果再濃味啲就好啦🙉評分🌕🌕🌕🌕🌑4. 韓式燒牛肉 台南卷餅（$48）夾起已經感受到佢嘅重量🙊一啖咬落去爆餡😳超足料，蛋餅皮好薄，更加凸顯到餡料嘅豐富，牛肉好食過吉x家嘅肥牛😂滿足又飽肚～評分🌕🌕🌕🌕🌕5. 芝士櫻桃奶蓋千層蛋糕（$48）用櫻桃作為主題嘅蛋糕好少見，食落櫻桃味就唔太出，似士多啤梨多啲，cream嘅