御老鍋台式火鍋 (已結業)

炎炎夏日都無阻小編打邊爐嘅慾望✌🏼尖沙咀一向都係火鍋店林立嘅地方，而最近喺韓國街嘅君怡酒店又新開咗一間火鍋店，係銅鑼灣一間人氣台式火鍋店嘅分店🥢餐廳開係酒店入面，裝修新派企理，有別與坊間港式或放題式火鍋😎特別一讚服務亦非常好，仲會提供圍裙比食客，超貼心😛—《#鴛鴦湯底》 $298 ⭐⭐⭐⭐️▫️台灣紅燒牛尾鍋▫️御．前膠原蛋白美人鍋台式火鍋多以養生湯底做噱頭，減低油膩感更能夠食到食材鮮味😉餐廳嘅湯底雖然價錢門檻較高，但足料嘅湯底已經可以媲美一道菜，而且雙拼亦唔需要加錢🤑紅燒牛尾鍋適合鐘意濃味既人，鍋中起碼有六件牛尾，而且煮得軟腍，更驚喜嘅係底一下更配有寬粉😍而美人鍋以烏雞同各種養顏嘅藥材熬成，相對則較清甜👍一般烏雞肉質都較鞋口，但依度嘅烏雞意外地不太老😝一《#八燈報喜》 $118 ⭐⭐⭐⭐依個八燈報喜真係滿滿嘅儀式感，餐廳用咗一個餐桌版嘅飛天鞦韆，將八粒手打滑安置係每一個鞦韆座位上，轉動塔頂就會旋轉起黎，玩味十足🎠而手打滑可以話係芸芸眾多配料中最睇得出心機嘅一樣，要控制好札實度同味道絕非易事，而依度包餡嘅手打滑更加技高一籌🤠八燈報喜入面包括咗黑松露蝦丸、燒鵝肝蝦丸、海膽墨魚丸、黑椒牛中牛肉丸