Dazzling Cafe (The ONE) (已結業)

閒日放工黎都要排隊，真係唔講得少。女友鍾意坐得舒服又好hea既餐廳，但呢度太多人排，所以通常有d特別原因先會黎。小弟近期生日，女友難得地肯排隊等位食好野。明太子意大利麵：麵條煮得岩岩好，好彈牙，我好鍾意食D彈牙煙韌既麵，呢度煮得好好。但明太子汁鹹鹹地撈落個麵剛剛好，每次必點！松露薯條：我同女友都好迷薯類產品，呢碟薯條都差唔多次次會點，炸得好脆同乾身，配埋松露醬好惹味，會不自覺一條接一條停唔到手。抹茶蜜糖吐司：見人地點我地都試下，但只有賣相吸引，影相靚，食落...就唔算特別，亦偏甜，唔迷超甜甜品可以唔試。特調冰茶/果茶：食左咁多野都要解下渴，幾好飲唔太甜。