安安燒 (染布房街) (已結業)

秋天最適合食串燒 非常方便嘅地點，同埋種類真係好多！肉類醃製得好好，調味適中，亦唔會燒得太濃，可以揀辣或者唔辣，兩樣都真係好好味😋 茄子係原條上同勁大條，好多蒜所以醃得好入味，食完真係想嗌多一條！娃娃菜好清甜，加少少辣真係好惹味！五花腩燒得好入味，豬既啲油香出哂尼，而且好爽口所以食落感覺唔會好油膩，食多幾塊都唔覺得濟！而牛舌亦都非常出色，牛味好香同肉質都係爽口彈牙，最後忍唔住嗌多咗兩串🤣呢間真係好推介，價錢亦都唔貴，係串燒既好選擇！