大發茶餐廳 (已結業)

今日Lunch又去到灣仔，想簡單而快捷食個午餐先走。而我同同事兩個人都鐘意食茶餐廳，行過依間就決定入去試下。入到去，待應姐姐就好熱情招呼我地，抹枱斟茶，仲同我地有講有笑，好有人情味。仲推介我地試下佢地既滷水鵝！好啦，我地叫左個午餐再加一份滷水鵝share。滷水鵝果然出色！肉質肥美嫩滑，滷水汁非常惹味，仲有炸豆腐及椰菜鋪底，吸收晒滷水精華，好好味呀！最重要個滷水汁不會得個咸字，味道有層次。份量多到食唔曬，我地實在高估左自己既食量。大發茶餐廳每日提供10款午餐$48包熱飲 (+$3凍飲)，太多選擇了，花多眼亂。最後點了中式牛柳飯，酸酸甜甜的，非常好送飯，這個餸既靈魂絶對係醬汁，味道不錯！牛柳分成三大塊，肉質頗軟，唔會咬唔開，醬汁配上洋葱絲，十分開胃。另外我地一直食午餐，餐廳電話一直響過不停，原來係附近既辦公室外賣order，外賣叔叔每次送出20-30個外賣，証明餐廳有一定既棒場客。